Riyad Mahrez, futbollisti i Manchester City ka udhëtuar drejt Greqisë së bashku me partneren e tij për të kaluar disa ditë pushime në Mykonos. Ai e ka shfrytëzuar këtë rast për t’i bërë një propozim mjaft romantik për martesë Taylor Ward.

Ai i propozoi me një unazë me diamant e bërë posaçërisht për Taylor e cila kushtonte 470,000 Euro.

Taylor Ward është mjaft e njohur në rrjetet sociale. Ajo numëron mbi 1 milion ndjekës në Instagram. Ajo është edhe vajza e ish-futbollistit të Norwich City dhe Sheffield United, Ashley Ward.

“Nuk ka askënd me të cilin do të preferoja të jetoja, kjo është për jetën. Mezi pres të plakemi së bashku. Të dua”, ka shkruar Taylor në disa foto të publikuara në rrjetet sociale, ku në sy bie unaza me diamand.

“Jam shumë i lumtur për gjithçka. Ti je më e mira, je ajo që më duhet përgjithmonë në jetën time,” ka shkruar Riyad Mahrez në postimin e tij në Instagram./tvklan.al