G7 i dhuron botës 1 miliard vaksina




G7 i dhuron botës 1 miliard vaksina

12:14 11/06/2021

500 milionë do t’i dhurojë SHBA dhe 500 milionë vendet e tjera

Grupi i shtatë vendeve më të industrializuara të botës mori angazhim për t’u dhuruar vendeve më të varfra 1 miliardë vaksina kundër COVID-19. Sipas Kryeministrit britanik Boris Johnson, mikpritës i takimit, gjysma e dozave do të dhurohen nga SHBA-ja dhe pjesa tjetër nga anëtarët e tjerë të grupit. Vetë Britania e Madhe do të kontribuojë me 100 milionë vaksina.

Të dy udhëheqësit u bënë thirrje aleatëve të bashkohen për t’i dhënë fund sa më shpejt pandemisë dhe të forcojnë pozitat strategjike të demokracive më të pasura në botë.

Shtetet e Bashkuara do të dhurojnë gjysmë miliardë doza vaksinash pa kërkuar gjë pas, pa kërkuar gjë. Dhurata jonë nuk përfshin edhe presion për favore apo koncensione të mundhsme. Ne po e bëjmë këtë për të shpëtuar jetë,” tha Biden.

Vaksinat do të prodhohen nga Pfizerdhe do të shpërndahen në kosto në rreth 100 vende. Kreu ekzekutiv i Pfizer, Albert Bourla që ishte në krah të Presidentit Biden, tha se sytë tani janë drejtuar nga udhëheqësit e kombeve të pasura.

Johnson dhe Biden gjithashtu nënshkruan një zotim të enjten për të mbrojtur “vlerat e qëndrueshme” të Mbretërisë së Bashkuar dhe SHBA-së, 80 vjet pas miratimit të Kartës së Atlantikut që u nënshkrua në vitin 1941.

Dokumenti thekson kundërshtimin e “atyre që kërkojnë të minojnë aleancat dhe institucionet” dhe veçon “ndërhyrjen përmes dezinformimit”, një akuzë që i drejtohet Moskës.

Ai citon gjithashtu tregtinë e lirë, të drejtat e njeriut, një rend ndërkombëtar të bazuar në rregulla dhe mbrojtje më të fortë globale kundër kërcënimeve shëndetësore si COVID-19.

Kryeministri britanik shprehu optimizëm për udhëheqjen e Biden dhe pohoi se bisedimet me të ishin si “ajri i freskët”.

Klan News





Të ngjashme