Gjendet trupi i pajetë i peshkatarit të zhdukur


Gjendet trupi i pajetë i peshkatarit të zhdukur

10:11 04/01/2019

Pas katër ditësh është gjetur trupi i pajetë i peshkatarit Gëzim Seitllari. 53-vjeçari kishte dalë për peshkim në liqenin e Pogradecit më 31 Dhjetor. Që prej asaj dite, ai kishte humbur kontaktet me familjarët.

Trupi i pajetë i tij është gjetur ditën e sotme, pasi u nxorr në breg nga dallgët. Ndërsa polumbarët kishin ndërprerë kërkimet për shkak të motit të keq.

Njoftimi i Policisë Pogradec:

Sapo jemi njoftuar se trupi i pajetë i shtetasit G.S, 53 vjeç, banues në Memlisht, Pogradec, i cili kishte dalë për peshkim në datë 31.12.2018, është gjetur.

(Dallgët e forta, e kanë nxjerrë në breg të liqenit).

Polumbarët nuk kanë mundur të bënin kërkime as ditën e sotme, për shkak të kushteve atmosferike. /

tvklan.al




Të ngjashme