Gjermania mbyll terminalet e Nord Stream


Gjermania mbyll terminalet e Nord Stream

08:56 07/10/2022

Autoritetet kanë përforcuar kontrollet e sigurisë si dhe një anije të marinës suedeze për të kryer hetimin

Gjermania mbylli dy terminalet e saj të gazit natyror Nord Stream të vendosura në qytetin Lubmin dhe përforcoi kontrollet e sigurisë përreth zonës.

Dy terminalet Nord Stream 1 dhe Nord Stream 2 janë rreth një kilometër larg njëri-tjetrit dhe një qendër informacioni e modifikuar ndodhet midis dy terminaleve. Gazsjellësi Nord Stream 2 përfundoi vitin e kaluar dhe të gjitha objektet janë të reja. Ajo u mbyll përpara se të fillonte funksionimin. Sipas asaj që raporton Reuters dy terminalet kanë kontrolle të rrepta sigurie dhe të huajt nuk lejohen të afrohen.

Rrjedhja e gazsjellësit Nord Stream nën Detin Baltik është bërë një ngjarje kryesore. Problemet e çarjes dhe rrjedhjeve u shfaqën kur presioni në tubacione ra në mënyrë më 26 shtator. Autoritetet suedeze dhe daneze filmuan zonat ku gazi dilte në sipërfaqen e Detit Baltik. Dy nga rrjedhjet janë në zonën ekskluzive ekonomike të Suedisë (EEZ) në Detin Baltik dhe dy janë në ZEE të Danimarkës.

Autoritetet suedeze kanë prova për të mbështetur dyshimet se tubacionet e gazit Nord Stream janë sabotuar. Megjithatë, drejtuesi i hetimit Mats Ljungqvist nga Autoriteti i Prokurorisë Suedeze ka bërë të ditur se hetimi mbetet secret për të kuptuar në mënyrë të detajuar se çfarë ka ndodhur.

Hetuesit suedezë deklarojnë se kishte pasur shpërthime në Nord Stream 1 dhe 2 në zonën ekonomike suedeze, të cilat kishin shkaktuar dëme të mëdha.   Në fillim të kësaj jave, roja bregdetare suedeze rrethoi një zonë rreth pranë dy rrjedhjeve, përpara se të vendoste një anije të marinës të pajisur me teknologjinë e duhur për të kryer një verifikim të detajuar nënujore.  Zëdhënësi i Kremlinit Dmitry Peskov ka deklaruar se hetimet pa Rusinë nuk mund të jenë objektive.

Tubacionet u ndërtuan për të transportuar gaz nga Rusia në Gjermani dhe Kremlini ka shprehur interes për të marrë pjesë në hetimet në lidhje me rrjedhjet në zonat ekskluzive ekonomike suedeze dhe daneze, por një gjë e tillë nuk është lejuar nga autoritetet europiane.

Klan News












Të ngjashme