Gjykata e Posaçme pushon çështjen për kryebashkiakun e Libohovës Leonard Hide, i cili ishte marrë i pandehur nga SPAK për shpërdorim detyre. Hide akuzohej për shpërdorim detyre në kohën kur mbante funksionin e Shefit të Krimeve në Komisariatin e Policisë Gjirokastër, lidhur me kultivimin e kanabisit.
Hetimi u krye nga ish-Shërbimi për çështjet e Brendshme dhe Ankesat dhe Prokuroria Gjirokastër. Operacioni për të cilin akuzohet Hide, nisi në datën 01.09.2021 ku janë zbuluar disa plantacione droge me qindra bimë narkotike.
Më ndërhyrjen nga Tirana, u konstatua se disa kontrolle nga policia lokale ishin shmangur, ndërsa në rrugë informative mbërrinin të dhëna për bashkëpunim me policinë.
Përfshirja e Hides në këtë aktivitet doli në kuadër të hetimeve me metoda proaktive dhe transkriptimeve nga Prokuroria e Gjirokastrës, e cila regjistroi procedimin penal. Por në kohën kur konstatoi përfshirjen e zyrtarëve policor në aktivitetin kriminal, shpalli mos-kompetencë duke ia kaluar SPAK-ut.
Tv Klan
