Gjykata në Pejë liron një person që akuzohej për krime lufte

Gjykata në Pejë liron një person që akuzohej për krime lufte

10:43 08/03/2019

Gjykata Themelore në Pejë, Departamenti për Krime të Rënda, ka liruar nga të gjitha akuzat të pandehurin M.Z., ndaj të cilit rëndonin akuza për krime lufte.

“I pandehuri M.Z. u lirua nga aktakuza se gjatë periudhës qershor – korrik 1998, në fshatin Dush, Komuna Klinë, aktivisht mori pjesë në grupin që ishte organizuar për kryerjen e veprave penale të krimeve të luftës, me çka kishte për të kryer vepër penale”

, është thënë në njoftim.

Aty është përmendur se nuk ka pasur fakte për të provuar veprën penale me të cilën është akuzuar i pandehuri.

Si rezultat atij tani i është ndërprerë masa e arrestit shtëpiak./REL

Të ngjashme
UKT