Gjyshja e verbër: Policia më keqtrajtoi dhe mi mori, fëmijët luten t’i nxjerr nga jetimorja



Gjyshja e verbër: Policia më keqtrajtoi dhe mi mori, fëmijët luten t’i nxjerr nga jetimorja

14:07 05/10/2020

Emisionon “Historia ime” në Tv Klan ditën e sotme ka sjellë historinë e një gjyshe e cila është 55 vjeç dhe jeton në errësirë totale, pra nuk sheh. Dallëndyshe Dulaj nga Fieri ka humbur 2 vite më parë të bijën e cila vuante nga kanceri. E bija ka lënë 2 fëmijë një djalë 8 vjeç dhe një vajzë 9 vjeç, fëmijët kanë ardhur në jetë nga dy baballarë të ndryshëm, ata mbajnë mbiemrin e gruas e cila është ndarë nga jeta. Dallëndyshja i mbajti fëmijët pas ndarjes nga jeta të të bijës, por më pas ata kaluan në shtëpinë e fëmijës Sarandë. Gruaja thotë se prej kohësh nuk i takon nipërit.

Gjyshja vjen në studio të bëj apel për ndihmë për t’i parë ata. Dallëndyshja jeton në Fier në kushte jo të mira social ekonomike, ajo është e verbër dhe në pamundësi për të punuar.

“I kam rritur me shumë sakrifica, kam shitur gjakun e trupit tim për t’i shkolluar dhe edukuar. I kam rritur që beba me biberon me qumësht farmacie. I laja, i shpërlaja, mos më shiko në këtë gjendje që rashë. Vajza më iku në moshë 24 vjeç. Kam kaluar dy herë drama, vdekja e vajzës dhe marrja e dy fëmijëve me zor nga Bashkia e Fierit. Mi morën me forcë, më keqtrajtuan dhe policat. Mi kanë marrë në spital kur po bëja një serum. Famijët kanë bërtitur nëna duke qarë. Vete muaj për muaj t’i takoj me aq sa kam mundësi. Olti më ka lënë brengë dhe flet sikur është i madh, më thotë nënë ku më ke lënë? Ai e di se e kam lënë unë atje. Vajza më merr dhe më pyet a ke shkuar tek mami dhe unë i them kam shkuar. Fëmijët më thonë nënë mos na lër këtu sepse ne kemi varrin e mamit atje”, shprehet Dallëndyshe Dulaj gjatë emisionit. /tvklan.al




Të ngjashme