Përbërësit:
500 gr gjizë pa kripë
500 gr domate
200 gr miell
150 gr djathë kaçkavall
100 gr borzilok
70 gr vaj ulliri
6 thelpinj hudhër
2 vezë
Kripë
Piper
Përgatitja:
Vendosim në një tas gjizën, shtojmë pak vaj ulliri, miell, djathë të grirë, vezë, borzilok të grirë dhe të gjithë ingredientët i përziejmë bashkë. Masën e përgatitur e ndajmë në copa shumë të vogla dhe i vendosim në një tenxhere që të ziejnë. Në një tigan me pak vaj ulliri vendosim hudhër, më pas shtojmë selino dhe karotë të grirë imët, pak spec djegës. Pasi të skuqen për pak minuta shtojmë salcën e domates dhe i lemë të ziejnë. Më pas salcën e kalojmë në mikser dhe e bëjmë kremoze. Vendosim në pjatë fillimisht salcën e përgatitur dhe mbi të gnocchi me gjizë.
/tvklan.al
