Grabitet një kështjellë në Britani, hajdutët marrin sende të çmuara me vlerë 1 mln Paund


Grabitet një kështjellë në Britani, hajdutët marrin sende të çmuara me vlerë 1 mln Paund

10:33 24/05/2021

Më shumë se 1 milionë Paund sende me vlerë janë grabitur në kështjellën Arundel në Britaninë e Madhe. BBC bën me dije se grabitja është kryer një ditë pasi kështjella u hap për vizitorët, pasi qeveria ka lehtësuar masat kundër Covid.

Deri tani mësohet se janë grabitur disa rruaza me shumë vlerë, të ruajtura që në vitin 1587, kohë kur u vra Mbretëresha Mary. Po ashtu raportohet se janë grabitur dhe sende të tjera si gota të përdorura në dasma mbretërore shekuj më parë, por edhe stoli të tjera ari dhe argjendi.  

Sendet e vjedhura

Një zëdhënës i kështjellës ka thënë se sendet e vjedhura kanë një rëndësi shumë të madhe historike. Kështjella kishte sistem alarmi, por edhe pse njoftimi u bë në kohë dhe policia mbërriti menjëherë në vendin e ngjarjes, sërish nuk u arrit që të kapeshin keqbërësit.

Zëdhënësi i kështjellës ka deklaruar se vlera e sendeve të vjedhura është shumë e madhe, pasi ato ishin një pjesë e historisë së familjes Howard dhe trashëgimisë së të gjithë kombit.

Sendet e vjedhura

Punonjësit e Arundel kanë kërkuar ndihmë nga qytetarët, që të bashkëpunojnë me policinë dhe të raportojnë nëse dinë diçka rreth grabitjes.

Deri tani ende nuk ka asnjë autor të dyshuar, por hetimet po vijojnë me intensitet të shtuar./tvklan.al







Të ngjashme