Një zyrë e shërbimit postar privat është grabitur me armë mbrëmjen e kësaj të marte në kryeqytet.
Mësohet se dy persona kanë hyrë të armatosur në zyrat e kësaj poste private të lokalizuar në zonën e ish-Shqiponjës, dhe nën kërcënimin e armës kanë marrë një shumë parash.
Më pas autorët u larguan me shpejtësi me motor. Nga dëshmia paraprake e punonjësve është bërë me dije se autorët grabitën paratë që ndodheshin mbi banak. Në ndjekje të grabitësve janë vendosur forcat policore.
Në të gjitha hyrje-daljet e Tiranës, janë ngritur pika kontrolli. Policia ka shpërndarë në këto pika, identikitet e autorëve. Forcat e Policisë po krehin zonën dhe vijojnë kontrollet edhe në parkingje e ambiente të ndryshme. /tvklan.al
