Senatorët francezë kanë propozuar që t’i heqin atyre të drejtën të mbajnë hixhabin në publik

Gjashtëmbëdhjetë vjeçarja Mariem Chourak është një myslimane e devotshme që e konsideron hixhabin një shprehje të përkushtimit të saj ndaj Profetit Muhamed.

Por një propozim nga senatorët francezë mund t’i mohojë asaj lirinë për ta bërë këtë në hapësirat publike.

Ndryshimi në një projekt-ligj ‘anti-separatizëm’ ​​i krijuar për të forcuar vlerat laike të Francës dhe i cili zbatohet për vajzat nën 18 vjeç ka tërhequr zemërim dhe ka nxitur një protestë në internet nën hashtag #HandsOffMyHijab që u bë virale përtej kufijve të Francës.

“Është pjesë e identitetit tim. Të më detyrosh të heq atë do të ishte një poshtërim. Nuk mund ta kuptoj pse ata do të dëshironin të miratonin një ligj që diskriminon”, tha Chourak.

Simbolet fetare në publik është një çështje e diskutueshme në Francë, një vend laik i palëkundur dhe shtëpia e pakicës më të madhe myslimane në Evropë. Franca ndaloi mbajtjen e shamive në shkollat ​​shtetërore në 2004. Në 2010, ajo ndaloi nikabin, mbulesën islamike me fytyrë të plotë, në vende publike si rrugë, parqe, transport publik dhe ndërtesa administrative.

Një grup i grave që po drejtojnë fushatën #HandsOffMyHijab kanë tërhequr mbështetje edhe nga ndikuesit e mediave sociale, përfshirë edhe Ibtihaj Muhamed, gruaja e parë amerikane që mbante hixhab ndërsa garonte në Lojërat Olimpike.

Presidenti Emmanuel Macron paralajmëron se Islamizmi po minon unitetin e Republikës nisur kjo edhe aktet terroriste të cilat kanë ndodhur gjatë viteve të fundit.

Klan News