Një ngjarje tepër e rëndë ka ndodhur në Indi.
Një 24 – vjeçare u dogj për së gjalli në turrën e druve, disa orë pasi mjekët e shpallën atë të vdekur.
Këta të fundi thanë se Rachna Sisodia vdiq nga infeksioni në mushkëri, në spitalin Sharda në Greater Noida, të Indisë.
Bashkëshorti saj Devesh Chaudhary, 23 – vjeç, e mori trupin e Rachna rreth orës 01:27 të natës dhe udhëtoi drejt vendit ku do të bëhej varrimi, me kremim, në një zonë 2 orë larg. Ceremonia e djegies së trupit nisi në 8 të mëngjesit.
Por gjatë kësaj kohe, dikush e tërhoqi trupin e 24 – vjeçares nga turra e druve, pasi besonte se ajo ishte ende gjallë.
Ajo mësohet se nuk shfaqi shenja jetë më pas, por një ekzaminim post – mortum tregoi grimca të djegura në laring dhe mushkëri, të cilat sipas policisë, nuk do të ishin prezente nëse e reja nuk do të kishte qenë duke marrë frymë.
Dy mjekë të cilët po punojnë bashkë për rastin në fjalë thanë se shkaku i vdekjes nuk ishte infeksioni në mushkëri, por në fakt është shoku i të djegurit për së gjalli./tvklan.al
