Një video është bërë virale në Indi, teksa një burrë shfaqet duke qarë dhe duke iu lutur policisë që të mos ia hiqnin bombolën e oksigjenit nënës së tij. “Nëna ime do të vdesë nëse ju ia hiqni bombolën e oksigjenit”, dëgjohet të thotë ai.
Personi që filmoi pamjet shokuese pretendoi se policia e kishte marrë bombolën e oksigjenit për t’ia vendosur një personi VIP. Djali i viktimës, Goyal Pradesh theksonte se ai dhe familja e tij kishin hasur shumë vështirësi për t’ia siguruar oksigjenin nënës së tij.
“Kur unë i pyeta policët se pse po ia hiqnin bombolën e oksigjenit nënës, më thanë se po përpiqeshin të shpëtonin jetën e dikujt. Kush është ky dikush? A nuk është jeta e nënës sime mjaftueshëm e vlefshme?”, tha ai.
(2/2) The incident took place on Tuesday evening. The man and his mother were not traceable. pic.twitter.com/61HyXyOz3S
— Deepak-Lavania (@dklavaniaTOI) April 28, 2021
Vëllai 17-vjeçar i Goyal, Ansh, kishte shkuar për të blerë një pajisje, e cili do të nevojitej për ta vënë në funksion bombolën e oksigjenit, të cilën e kishin siguruar me shumë vështirësi. Kur u kthye, mësoi se nënës së tij i kishin hequr oksigjenin.
“U përpoqa të flas me stafin e spitalit, por refuzuan të flisnin me mua. Filluan të më thonin që duhet të dal jashtë, si pasojë e distancimit social”, tha ai për mediat.
Dy orë më vonë nëna e Goyal vdiq, raporton The Independent. Ndërkohë, policia e Uttar Pradesh refuzonte të pranonte se e kishte hequr oksigjenin nga gruaja.
“Ishte një bombol bosh, e cila po dërgohej për t’u rimbushur me oksigjen,” tha një komisar i policisë.
उपाध्याय हॉस्पिटल के वायरल वीडियो, ऑक्सीजन की समस्या से ग्रसित व्यक्ति, खाली सिलेंडर को ले जाकर भरवाने की कोशिश व 1 व्यक्ति द्वारा पुलिस से सहायता हेतु सिलेंडर की मांग दर्शाते हुए, भ्रामक तरीके से पोस्ट किए गए वीडियो के खंडन के संबंध में #SPCityAgra द्वारा दी गई बाइट। @Uppolice pic.twitter.com/XSvvbn11kC
— AGRA POLICE (@agrapolice) April 28, 2021
Sipas raportimeve që vinë nga autoritetet përkatëse, India numëronte rreth 386.000 raste të reja në 24 orët e fundit dhe 3.498 humbje jete. India ka më shumë se 200.000 humbje jete që nga fillimi i pandemisë./tvklan.al