Lajme Arkiva – TV Klan 2000
Rreth orës 10 të paradites, një grup gazetarësh kanë mbërritur në Shkodër, për të vëzhguar nga afër procesin zgjedhor. Ajo që duket në rrugët e qytetit është qetësia. Një ditë e diel e zakonshme, por që mbante preokupimin e votimit. Në po këtë paradite në Shkodër mbërrin ambasadori Limpreht, ambasadori i OSBE-së Ahrens dhe këshilltari special i SHBA për zgjedhjet në Ballkan, Frowik.
Takimi i parë në këtë qytet është bërë me kreun e bashkisë Bahri Boriçi, ku është shprehur interesi, se çfarë po ndodh me zgjedhjet në këtë qytet. Këshilltari special Frowik është interesuar për problemet serioze në lista dhe përgjigja e marrë nga kreu bashkiak Boriçi ka qenë se i është dhënë mundësia njerëzve të shkojnë në Komisionin Qendror dhe të regjistrohen, por mendoj se një pjesë do të mbeten pa votuar. Vetëm 54% e votuesve janë pajisur me kartë. 2500 vetë janë regjistruar pas shpalljes së listave.
Ambasadori Limpreht, Ahrens dhe Frowik kanë zbritur në Komisionin Qendror të Zgjedhjeve në bashki. Organizata e sigurimit dhe bashkëpunimit europian është shumë aktive në këtë proces. Shoqëruar nga kreu i bashkisë Boriçi, ata ka vizituar së bashku qendra votimi, ku janë interesuar për ecurinë e këtij procesi. Mesazhi i SHBA është të nxisë zgjedhje të lira e të ndershme në Shqipëri.
Në orën 12 të pasdites, ambasadori amerikan Limpreht, këshilltari special i SHBA Frowik dhe ambasadori i OSBE-së Ahrens, kanë shkuar në Berat për të parë nga afër procesin zgjedhor. Edhe këtu takimi i parë është zhvilluar me kryetaren e bashkisë Milika Jaho, ku kanë mësuar problemet dhe mbarëvajtjen e procesit zgjedhor në qendrat e votimit.
Pasditen e sotme grupi i ambasadorëve kanë zhvilluar një takim me KQZ në Tiranë. Gjatë takimit është debatuar mes kryetarit të komisionit që përfaqësonte PS dhe nënkryetarit përfaqësues i PD. Ambasadori Frowik dhe Limpreht kanë parë nga afër procesin e votimit në qendrën pranë shkollës “Bajram Curri” dhe “Ali Demi”./tvklan.al
Gazetare – Holta Zhiti
