Janë zhvilluar në Bruksel bisedime të tjera se si BE-ja mund të heqë dorë nga furnizimet me energji ruse.
Ministri gjerman Habeck tha se Gjermania nuk është e gatshme të ndalojë gazin rus, por shtoi se do të jetë në gjendje të përballet me ndalimin e naftës ruse deri në fund të vitit.
Ky është afati kohor për çdo heqje graduale të naftës ruse që me sa duket po diskutohet nga vendet anëtare të BE-së.
“Ne kemi mundur të arrijmë një situatë ku Gjermania është në gjendje të përballojë një embargo të naftës,” tha Habeck në një konferencë shtypi. Por ai paralajmëroi se kjo nuk do të thotë se nuk do të ketë pasoja.
Gjermania po punon ende për të gjetur furnizues alternativë që mund të mbushin boshllëkun në rast të një embargoje të plotë ndaj naftës ruse. /tvklan.al
