Hapen muzetë e Vatikanit



Hapen muzetë e Vatikanit

09:40 03/06/2020

Tashmë në Kapelën Sistine vetëm 25 vizitorë

Nëse keni ëndërruar ndonjëherë të shikoni Kapelën Sistine pa u ndier sikur jeni në një autobus të mbushur plot, tani është shansi juaj.

Muzetë e Vatikanit u hapën pas tre muajsh mbyllje, si pasojë e koronavirusit. Por kryeveprat e mëdha të rilindjes apo artefaktet e lashta romake dhe egjiptiane mund të vizitohen vetëm duke rezervuar online, me qëllim evitimin e grumbullimit të turmave.

Është e detyrueshme matja e temperaturës dhe përdorimi i maskës mbrojtëse. Megjithatë këto janë bezdi të vogla në këmbim të vizitës në Kapelen Sistinë vetëm me 25 persona për të shijuar tavanin e saj të famshëm pikturuar nga Michelangelo në shekullin e 16-të.

Muzetë e Vatikanit vitin e kaluar u vizituan nga rreth 7 milionë njerëz vitin e kaluar dhe janë burimi më i besueshëm i të ardhurave të Selisë së Shenjtë, duke gjeneruar rreth 100 milionë dollarë në vit.

Tv Klan



Të ngjashme