Hapet rruga për koncesionin e pompave të karburanteve – TV KLAN

Hapet rruga për koncesionin e pompave të karburanteve

Komisioni i Prokurimit Publik: Të zhvillohet tenderi

Komisioni i Prokurimit Publik i ka hapur rrugë pas 4 muaj pezullimi, zhvillimit të tenderit për dhënien me koncesion të kontrollit të instrumenteve matës në karburante.

Një vendim i marrë nga katër anëtarë të këtij komisioni lejon që Ministria e Financave dhe Ekonomisë të vazhdojë me procedurën e prokurimit dhe të përzgjedhë kompaninë e cila do të kryejë shërbimin e kontrollit të sasisë që pompat e karburanteve furnizojnë qytetarët. Këtë shërbim aktualisht e ofron drejtoria e përgjithshme e Metrologjisë.

Procedura u ankimua në fund të shtatorit nga një firmë zvicerane “Penzoil Trading SA”, e cila pretendonte se tenderi po zhvillohej në kundërshtim me ligjin, pas kriteret e vendosura paracaktonin fituesin duke deformuar garën.

Këshilli i Ministrave shpërbleu në verë të 2018 me 10% të pikëve bonus, ofertën e pakërkuar që depozitoi në vitin 2016 kompania shqiptare “Noa Control”.

Tashmë Ministria e Financave dhe Agjencia e Prokurimit Publik do të vazhdojë me përzgjedhjen e kompanisë fituese e cila do të marrë për 20 vjet eksluzivitetin e dhënies së këtij shërbimi, duke i faturuar pikat e karburantit, çka do të vendosë një tarifë të re te nafta.  Në këmbim të këtij tregu, firma duhet të bëjë një investim në pajisje në vlerën e 640 mijë dollarëve.

Shoqata e Hidrokarbureve e ka kundërshtuar dhënien e këtij shërbimi me koncesion. Ky është i dyti që jepet në fushën e naftës, pas atij të markimit të karburanteve.

Tv Klan

Kategori
EkonomiTe funditTë gjithaVideo
1 Koment
  • Gjykata Administrative vendosi sot 27.05.2019 anulimin kritereve të Koncesionit të pompave të naftës
    27 Maj 2019 at 16:43
    Përgjigju

    Gjykata Administrative vendosi sot 27.05.2019 anullimin e vendimit te Komisionit te Prokurimeve Publike dhe riberjen e kritereve te Koncesionit te Pompave te Naftes. Gjykatese Nafije HAsko qe dha vendimin. Per here te pare nje Gjykate jep nje vendim te tille ne Shqiperi per Koncesionet me Oferte te pa Kerkuar

  • Përgjigju

    *

    *





    Emisione