Historia ime – Historia e gruas që duroi për 12 vite dhunën e bashkëshortit!

Historia ime – Historia e gruas që duroi për 12 vite dhunën e bashkëshortit!

13:30 03/11/2020

Në emisioni “Historia ime” në Tv Klan ka qenë një grua 31 vjeç e cila jeton në një fshat të Cërrikut. Ajo është martuar me mblesëri që kur ishte ende adoleshente me bashkëshortin e saj, i cili ishte nga një fshat i Gramshit. Kur ishte vetëm 16 vjeç e gjysmë, u bë nënë për herë të parë. Sot është nënë e katër fëmijëve, ku fëmija më i madh është 14 vjeç dhe më i vogli 5 vjeç.

Viti i parë i martesës shkoi mirë, më pas bashkëshorti filloi të shfaqte dhunë fizike dhe psikologjike shumë të fortë ndaj saj. Ajo duroi për 12 vite këtë martesë.

Së pari, për shak të papjekurisë se ishte ende shumë e re dhe së dyti për arsye të fëmijëve. Gruaja jetonte me shpresën se ai do të ndryshonte, por nuk ndodhi aspak kështu. Ai jo vetëm e dhunonte 31-vjeçare, por e mbante mbyllur në një dhomë shumicën e kohës. Kjo dhunë ndodhte vetëm kundrejt saj, jo ndaj fëmijëve të tyre.

Nuk ishte një baba shëmbullor, por të paktën nuk tregonte dhunë ndaj tyre. Sipas gruas, i shoqi kishte çrregullime psikologjike, madje ka qenë dhe i shtruar në spitalin psikiatrik. Megjithatë një moment ajo ia doli të  lajmëronte policinë dhe të iku nga ajo shtëpi. Mbasi iku, u strehua për 6 muaj dhe tek Qendra e Grave të Dhunuara dhe më pas shkoi në Cërrik tek familja e saj. Kanë tre vite që janë divorcuar, u bë dhe gjyqi i divorcit dhe pse i shoqi nuk u paraqit në gjyq.



Të ngjashme