Horoskopi 25 Nëntor 2021 - Tv Klan

Horoskopi 25 Nëntor 2021


Horoskopi 25 Nëntor 2021

08:12 25/11/2021

Dashi-Megjithëse Mërkuri është në një orbitë jo edhe aq të favorshme, do të jeni të frymëzuar. Kështu që pritet të një ditë e mirë për të gjithë ata që merren me krijimtari. Partneri ka për t’u ndierë mjaft keq dhe mund të marrë vendime që nuk do t’ju pëlqejnë. Gjendja financiare do të mbetet e kënaqshme.

Demi-Pak nervozizëm dhe mërzitje do të spikasin në ditën e sotme duke sjellë një sërë detyrimesh të papritura dhe shpenzimesh të kota. Sot do të gjendeni shpesh në vështirësi juve që jeni në një lidhje dhe do kërkoni ndihmë nga miqtë që t’i zgjidhni problemet e mëparshme.

Binjakët-Sot do të jetë shumë e vështirë të ruhet një klimë harmonie në lidhjen tuaj. Debatet dhe mosmarrëveshjet do të lindin edhe për gjërat më elementare. Beqarët do të kenë një ditë të paqëndrueshme dhe duhet ende të presin. Gjendja financiare do të ketë përmirësime të njëpasnjëshme.

Gaforrja-Sot edhe pse në përgjithësi dita do të duket e qetë, do të ketë çaste melankolike për shkak të Hënës agresive në shenjë. Ka rrezik të jeni shumë xhelozë për partnerin dhe nuk do e lini për asnjë çast. Në mbrëmje ndoshta, ardhja e dikujt do të bëjë që gjendja shpirtërore të përmirësohet.

Luani-Qielli juaj edhe sot është shumë pozitiv, sidomos në aspektin ekonomik, ku pritet të korrni frytet e një pune që ju ka munduar shumë. Jeta juaj në çift do varet tërësisht nga mënyra sesi do t’i menaxhoni ndjenjat. Shprehini ato sa të mundni. Në mbrëmje do të keni mundësi të reflektoni mbi gjithçka.

Virgjëresha-Vullneti i fortë dhe dëshira për të punuar dhe për të arritur qëllimet tuaja do të sjellë një zhvillim pozitiv nga ana profesionale. Buxheti ka për të qenë i kënaqshëm dhe nuk do të keni aspak nevojë të merrni hua për t’ia dalë mbanë. Nuk do t’ju mungojnë shanset edhe në aspektin sentimental.

Peshorja-Disi hezitues dhe të pavendosur për disa çështje të rëndësishme që kërkojnë një përqendrim maksimal nga ana juaj. Mundohuni të reagoni me gjakftohtësi edhe atëherë kur ju sulmojnë. Disa persona të jashtëm kanë filluar t’ju pëlqejnë tej masë dhe mund të bëjnë gjithçka për t’ju rënë në sy.

Akrepi-Afërdita në shenjë ju bën të jeni shumë tërheqës jo vetëm në sytë e partnerit por edhe në sytë e kolegëve që punojnë me ju dhe që më së fundi mund të bashkëpunojnë në projekte të rëndësishme. Gjendja financiare ka për të qenë e shkëlqyer. Mos i shpërdoroni mundësitë.

Shigjetari-Hëna dhe Mërkuri bashkëveprojnë në mënyrë shumë pozitive për ju. Është momenti i duhur për të shpalosur idetë tuaja. Marrëdhënia me partnerin ka për të qenë shumë më e qetë, më e lumtur dhe më sensuale. Një udhëtim i shkurtër do t’ju vlejë shumë për punën tuaj në të ardhmen e afërt.

Bricjapi-Dukeni disi të lodhur me gjithë përpjekjet që po bëni për të realizuar projektet që tashmë presin për t’u vënë në zbatim. Jeta në çift duket paksa e trazuar, por është vetëm diçka kalimtare. Yjet këshillojnë të mos nxitoheni sepse kjo situatë do të ndryshojë shpejt.

Ujori-Sot do t’ju karakterizojë një entuziazëm dhe një dëshirë për të ndërmarrë veprime konkrete, e ndoshta edhe ndonjë aventurë. Jeta juaj në çift ka për të qenë delikate, por situata do të ndryshojë më shpejt nga sa e kishit menduar. Jeta në çift sot paraqitet mjaft interesante.

Peshqit-Ju të dashuruarit do i zgjidhni një e nga një të gjitha problemet që keni pasur në çift kohët e fundit. Në planin financiar mos jini shumë dorëlëshuar, në të kundërt do të keni probleme. Buxheti do të jetë goxha i mirë kështu që nuk duhet të shqetësoheni aspak./tvklan.al








Të ngjashme