Dashi-Pak rëndësi ka çfarë drejtimi ndiqni, ngado që të shkoni duket se do të hasni pengesa. Megjithatë kjo situatë fatmirësisht nuk do të vazhdojë gjatë. Bëni plane për fundin e muajit, fati do të jetë në anën tuaj.

Demi-Nëse mendoni se dikush po ju mban peng dhe nuk po ju lejon që të shpalosni potencialin që keni, me gjasë do të vendosni për të marrë një vendim drastik. Bëni kujdes, pasi gjithçka mund të kthehet në disfavorin tuaj. Mendojini veprimet me kujdes.

Binjakët-Nuk është e këshillueshme që të tregoheni të nxituar për të arritur qëllimet që i keni vënë vetes. Gjërat e mira bëhen me qetësi, në mënyrë që të mos keni nevojë për t’iu rikthyer edhe njëherë.

Gaforrja-Energjitë nuk do t’ju mungojnë, por bëni kujdes dhe mos ekzagjeroni, mund të lodheni më shumë seç duhet. Kjo vlen sidomos në punë, të tjerët mund ta marrin të mirëqenë e të abuzojnë duke mos bërë asgjë.

Luani-Mund të përballeni me një konflikt në shtëpi, por është me rëndësi që të mos nxitoheni dhe të mos reagoni më ashpër seç duhet. Rezistojini nevojës për të thënë gjëra që mund të nxisin edhe më shumë debat.

Virgjëresha-Mund të jeni me humorin për t’u argëtuar, por më parë sigurohuni se keni bërë gjithçka që pritet nga ju. Nëse lini një punë përgjysmë, të jeni të bindur se do të ndërhyjë në çdo çështje sociale që keni në plan.

Peshorja-Sa më parë të kuptoni se perfeksioni është i pamundur, aq më mirë do të jetë. Të kesh standarde të larta është një gjë, por të presësh që mos heqësh dorë kurrë prej tyre është një tjetër.

Akrepi-Është e nevojshme që të bashkoni forcat me ata që ju rrethojnë dhe të çoni në fund një projekt që po e mbani peng prej disa ditësh. Sa më shpejt të mbaroni me të, aq më parë do të mund të fokusoheni në çështje të tjera të rëndësishme.

Shigjetari-Nëse jeni borxhli ndaj dikujt, ka ardhur koha për ta shlyer. Kjo do t’ju japë mundësinë për të hequr nga vetja një stres të madh që mbani prej kohësh.

Bricjapi-Bëni atë që eprorët do t’ju kërkojnë sot, edhe nëse mendoni se kërkesa e tyre nuk është e drejtë. Do të shihni se dakordësia juaj do të ketë pasoja pozitive në një moment të dytë.

Ujori-Gjëja më e rëndësishme sot është që të jeni të qartë për idetë që keni dhe ku doni të arrini. Do të ndiheni plot vetëbesim dhe kjo do t’ju japë mundësinë që të përballeni me çdo sfidë.

Peshqit-Mos e ndaloni veten për të provuar gjëra të reja e për të njohur njerëz të rinj. Miqtë e vjetër nuk kanë ndërmend të shkojnë gjëkundi, ndaj jepini vetes mundësinë për të eksploruar. Fati mund të rezervojë surpriza.

/tvklan.al