Hoti: Kosova gati për takimin në Uashington, por ne hyjmë për…



Hoti: Kosova gati për takimin në Uashington, por ne hyjmë për…

12:20 03/07/2020

Kryeministri i Kosovës Avdullah Hoti gjatë deklaratës së mbajtur këtë të Premte në Pallatin e Brigadave gjatë vizitës zyrtare në Tiranë, u shpreh se është në koordinim me të deleguarin special të SHBA për dialogun mes Serbisë dhe Kosovës,  Richard Grenell, për caktimin e një date tjetër për tu ulur në tryezën e dialogut.

I pyetur nga gazetarët, Hoti u shpreh se pritet një datë tjetër për caktimin e takimit që u parashikua fillimisht për datën 27 Qershor në Uashington, duke shtuar se edhe në rast se Presidenti i Kosovës Hashim Thaçi nuk do të mund të jetë prezent, Kosova do të përfaqësohet.

Hoti theksoi edhe një herë se dialogu me Serbinë fillimisht do të jetë në spektrin ekonomik, e më pas Kosova do t’i qëndrojë axhendës së saj për dy temat politike, atë të njohjes reciproke dhe normalizimit të marrëdhënieve mes dy shteteve.

 “Kosova ka institucione legjitime e kushtetuese të gatshme të marrin përgjegjësitë që i takojnë. Unë jam i gatshëm dhe jam në koordinim me ambasadorin Grenell për të ricaktuar një datë për të filluar procesin e dialogut në një axhendë fillimisht ekonomike dhe për të kaluar më pas në çështje që janë më politike, duke u nisur nga parimet tona që ne hyjmë për njohje reciproke dhe normalizim të marrëdhënieve mes dy vendeve”. /tvklan.al  




Të ngjashme