Një e re shqiptare humbi tragjikisht jetën mbrëmjen e së mërkurës në Cuneo të Italisë fqinje, pasi u përplas nga një automjet. Bëhet fjalë për një 25-vjeçare e identifikuar nga mediat atje vetëm me iniciale L.I.
Ajo mësohet se kishte parkuar makinën e saj në një vendndalim në autostradën Asti-Cuneo dhe po kalonte në mes të karrexhatës kur u përplas automjeti.
Në vendngjarje shkuan shërbimet e emergjencës, por fatkeqësisht 25-vjeçarja gjeti vdekjen e menjëhershme.
Për ngjarjen, autoritetet policore kanë nisur hetimet. Ndërkohë mësohet se shoferi i makinës që përplasi të renë u shoqërua në emergjencë për shkak të shokut./tvklan.al