Johnny Depp ka apeluar vendimin e gjykatës në Londër, pas humbjes së gjyqit kundrejt gazetës britanike “The Sun” mbi një artikull ku i referohej aktorit si një dhunues.
Gjykatësi i çështjes e vlerësoi artikullin “thelbësisht të vërtetë” dhe se 57-vjeçari kishte ushtruar dhunë ndaj ish-gruas, Amber Heard.
Menjëherë pas vendimit verën e kaluar, ai lëshoi një deklaratë duke thënë se do të kundërshtonte vendimin.
“Gjykimi surreal i gjykatës në Mbretërinë e Bashkuar nuk do ta ndryshojë luftën time për të thënë të vërtetën dhe kam në plan të apeloj. Vendosmëria ime mbetet e fortë dhe kam ndërmend të provoj se akuzat kundër meje janë të rreme. Jeta dhe karriera ime nuk do të përcaktohen nga ky moment”, shprehej Depp.
Depp gjithashtu ka ngritur një padi për shpifje prej 50 milion dollarësh kundër Heard në një gjykatë në Virxhinia për një opinion që shkroi për ‘Washington Post”.
Pas humbjes së gjyqit, aktorit iu kërkua të hiqte dorë nga roli i tij si Grindelwald në filmin e tretë “Fantastic Beasts” dhe u zëvendësua nga Hannibal Mads Mikkelsen.
Klan News
