Fraza e famshme e Leonardo Bonucci “ju duhet të hani edhe disa makarona” ka pasur efekt të kundërt te tifozët anglez.
Britanikët nuk e kanë harruar ende disfatën në Euro 2020 kundër Italisë. Një ëndërr e shkatërruar që i bëri qytetarët londinez dhe jo vetëm të bojkotojnë restorantet italiane.
Sipas një sondazhi nga faqja e specializuar “The Fork UK”, pas ndeshjes midis Anglisë dhe Italisë rezervimet në restorantet italiane të vendosura në territorin britanik kanë rënë me 55%. Në të njëjtën kohë, klientela në restorantet dhe baret britanike u rrit.
“Ata janë ende të zhgënjyer nga kjo humbje dhe preferojnë të konsumojnë peshq dhe patate të skuqura, sesa makarona e pica, të cilat njihen si pjata italiane. Italianët kanë fituar luftën e futbollit, por këto ditë britanikët po fitojnë luftën e ushqimit,” tha drejtori menaxhues i The Fork në Mbretërinë e Bashkuar, Patrick Hojkas. Sesa do të zgjas kjo mërzitje mbetet të shihet.
Klan News
