“Hustlers” gati për Oscar

“Hustlers” gati për Oscar

21:35 11/09/2019

Filmi ku interpreton J.lo merr vlerësime në festivalin e Torontos

Ende pa dalë akoma në kinema, filmi “Hustlers” me aktore kryesore Jennifer Lopez është padyshim projekti më i ri kinematografik, i preferuar nga të gjithë.

Në premieren në Toronto, duartrokitjet nga fansat kanë qenë të shumta, aq sa kanë nisur dhe aludimet se “Hustlers” është një ndër pretendentet për të marrë çmimin “Oscar”.

Sigurisht që një faktor kyç për ketë sukses ka qenë dhe pjesëmarrja e aktoreve femrave, duke treguar edhe njëherë fuqinë e tyre. Constance Wu, Keke Palmer dhe Lili Reinhart, u shprehën se kanë qenë shumë të emocionuar për pjesëmarrjen në film, por për shkak të historisë të trajton, por sepse do të kishin fatin të luanin përkrah Jennfer Lopez.

Aktorët theksuan se JLo ishte si nënë për të gjithë gjatë xhirimeve të filmit, duke përcjellë energji pozitive dhe vullnetin për punë.

Filmi “Hustlers” u frymëzua nga një artikull i “New York Magazine” nga viti 2016. Bën fjalë për ekipin e ish-stripereve që bashkohen dhe i mashtrojnë klientët e pasur të Wall Streetit. Filmi do tw shfaqet në kinema më 13 Shtator.

Klan Plus

Të ngjashme
UKT