Hyrja e “mallkuar” e pallatit, ku aksidentet janë të zakonshme

Vendi që shihni në këtë foto ndodhet tek rruga e Elbasanit në kryeqytet. Bëhet fjalë për hyrjen e një pallati, që siç rrëfejnë vetë banorët e tij është burim aksidentesh.

Një qytetare rrëfen për tvklan.al se pikërisht në këtë vend, herë pas here makinat përplasen me katin e parë të pallatit. Problemi, sipas qytetarëve do të zgjidhej lehtësisht me vendosjen e disa bordurave mbrojtëse.

Por duket se problematika e ngritur nga banorët deri më tani ka rënë në vesh të shurdhër. Qytetarët shprehen të shqetësuar se këto aksidente venë në rrezik jetën e kalimtarëve dhe vetë banorëve të pallatit.

“Të paktën çdo 2 muaj futet ndonjë makinë në dyqanin e katit të parë. Është bërë tmerr të kalosh aty, pasi makinat humbin kontrollin dhe përfundojnë brenda pallatit”, rrëfen qytetarja për tvklan.al.

Kjo e fundit ka përcjellë edhe disa foto nga aksidentet e ndodhura pikërisht në këtë vend, ndërsa tregon se i fundit ndodhi gjatë fundjavës.

37608803_10156625288239673_1697385888721403904_n 37587371_10156625288554673_6220540059808956416_n 37588672_10156625285594673_8074490490155696128_n 37522923_10156625289064673_9138367216658415616_n 37588592_10156625289424673_3087012906550689792_n 37654133_10156625287604673_6406581193914974208_n 37511318_10156625287464673_8895099319825203200_n 37659005_10156625285979673_8185260836340629504_n 37559739_10156625287239673_7062580875069751296_n
<
>

/tvklan.al

Kategori
FotogaleriKallezoTe funditTë gjitha
0 Komente

Përgjigju

*

*