“I dashuri më braktis në spital disa orë pasi linda, arratiset me mamin tim 44 vjeç”



“I dashuri më braktis në spital disa orë pasi linda, arratiset me mamin tim 44 vjeç”

16:25 18/02/2021

Një vajzë e re 24-vjeçare pretendon se i dashuri ka ikur me mamanë e saj gjatë kohës kur ajo solli në jetë fëmijën e tij. Vetëm disa orë pasi Jess Aldridge lindi, Ryan Shelton u nda me të përmes një mesazhi.

Ajo mësoi që i dashuri i saj Ryan ka ikur me mamanë e saj Georgina 44 vjeç. Tani vajza thotë se ka ngelur e vetme dhe qiranë duhet ta paguaj vetë. Në një deklaratë për “The Sun” ajo shprehet: Unë prisja që gjyshja të dashurohet me foshnjën dhe jo me babain e foshnjës. Ajo duhet të ishte një gjyshe e mirë për dy fëmijët e mi dhe të kujdesej për ta, por në vend të kësaj ajo vendosi të dashurohej me të dashurin tim.

Kur Jess u përball me mamanë e saj, ajo ngriti supet dhe tha: Ne nuk mund të zgjedhim se me kë dashurohemi. Problemet filluan për çiftin kur Ryan u transferua në shtëpinë e familjes së Jess në Stow-on-the-Wold, Gloucestershire, Angli pak para bllokimit.

Jess mendonte se nëna e saj Georgina së bashku me burrin Erik 56-vjeç që janë bashkë për 12 vite, do e ndihmonin për rritjen e fëmijëve, por rezultoi e kundërta.

Gjatë periudhës që jetonin bashkë 24-vjeçarja ka vënë re se i dashuri dhe e ëma flirtonin me njëri-tjetrin dhe kjo gjë e bënte të ndihej keq.

Disa orë pasi lindi, Ryan i dërgoi mesazh Jess dhe i thotë se po e linte sepse ishte lodhur nga akuzat që ai dhe e ëma ishin të lidhur. Kjo ngjarje ka tronditur dhe bashkëshortin e Georginës i cili tha se ndihej i mërzitur që ka humbur gruan e tij prej 12 vitesh.

Jess është e shqetësuar se si do t’ua shpjegojë marrëdhëniet e çrregullta fëmijëve të saj kur ata të rriten. /tvklan.al







Të ngjashme