I dënuar me 9 vjet burg, ekstradohet në Shqipëri 37-vjeçari

I dënuar me 9 vjet burg, ekstradohet në Shqipëri 37-vjeçari

15:06 25/01/2020

Nga Zyra Qendrore Interpol Tirana u krye ekstradimi nga Gjermania drejt vendit tonë, i Elton Sakos, 37 vjeç, banues në Tiranë.

Ky person ishte i shpallur në kërkim ndërkombëtar nga ZQK Interpol Tirana, pasi Gjykata e Krimeve të Rënda e ka dënuar me 9 vite burg, për veprën penale “Vjedhje me dhunë e kryer në bashkëpunim”.

Elton Sako, në bashkëpunim me S. M., dhe L. M., në vitin 2012 kanë hyrë në banesën e shtetasit V. B., në rrugën “Qemal Stafa”, ku në banesë ndodhej vajza e mitur dhe nën kërcënimin e armëve dhe të maskuar kanë vjedhur një sasi bizhuterish.

Falë informacioneve të marra nga strukturat e Policisë së Shtetit për vendndodhjen e këtij personi, si dhe shkëmbimit të informacionit mes Interpol Tirana dhe Policisë Gjermane  u bë i mundur lokalizimi dhe arrestimi i 37-vjeçarit me qëllim ekstradimi drejt vendit tonë./tvklan.al



Grupi
LAJMET
Të ngjashme

Grupi