I dogjën shtëpinë, 5 motrat rrezikohen të rrëmbehen si skllave seksi nga talebanët



I dogjën shtëpinë, 5 motrat rrezikohen të rrëmbehen si skllave seksi nga talebanët

11:11 21/08/2021

Pesë motra mes turmës jashtë aeroportit të Kabulit kanë treguar për MailOnline përpjekjet e tyre të dëshpëruara për të ikur nga Afganistani pasi talebanët i dogjën shtëpinë e tyre.

Gratë e reja janë Hazaras, një grup paqësor etnik që jetojnë në Hazarajat në Afganistanin qendror midis maleve Hindu Kush. Me ngjyrat e bukura dhe tiparet delikate, Hazara kanë qenë prej kohësh viktima të persekutimit nga grupet e tjera në dekada  dhe së fundmi nga talebanët.

Aaina Sheikh, 19 vjeç, një nxënëse e shkollës së mesme, tha se ishte në aeroport me katër motrat dhe vëllain e saj. “Ne duam të shkojmë në Amerikë, nuk mund të qëndrojmë këtu të sigurt,” tha ajo.

Asnjëra nga gratë, as vëllai i tyre, nuk kanë as pasaporta, aq më pak viza që do t’i lejonte ata të udhëtonin, por kjo nuk i ndalon ata të shpresojnë për një mrekulli.

“Deri javën e kaluar ne jetonim të lumtur në shtëpinë tonë dhe pastaj talebanët erdhën dhe e dogjën. Prindërit tanë na thanë të largoheshim sepse kishin frikë për jetën tonë”, është shprehur Aaina .

Javët e fundit ka pasur raporte të panumërta se talebanët kanë rrëmbyer gra dhe vajza të reja për të qenë ‘gratë’ e tyre ose skllave seksi .

Kështu gratë Shejh u nisën në udhëtimin 150 kilometra në aeroportin e Kabulit të Dielën dhe kanë fjetur në trotuare që atëherë, vetëm me vëllain e tyre Nader, 25 vjeç që është përpjekur t’i mbrojtur ato.

Aaina, vajza më e vogël, shtoi: Ne kemi disa para të cilat po i shpenzojmë nuk e di sa kohë do na zgjasin. Ne jemi shumë të rinj për të kujtuar talibanët më parë, por prindërit tanë na kanë treguar se si ata vranë kaq shumë njerëz Hazara në të kaluarën.

Motrat janë të gjitha dëshmi të gjalla të përparimit të grave në Afganistan në dy dekadat e fundit.

Motra e Aaina, Hafizah, 23 vjeç po studionte shkenca kompjuterike në një politeknik në Kabul, ndërsa motrat e saj të tjera, binjaket Haëa dhe Latifa, 20 vjeç dhe 18-vjeçarja Marjaan, janë gjithashtu studente.

Tani i gjithë ai përparim mund të hidhet poshtë pasi SHBA dhe aleatët e saj i kthyen shpinën Afganistanit. /tvklan.al








Të ngjashme