I ftohti siberian paralizon Europën



I ftohti siberian paralizon Europën

18:31 24/02/2018

Temperaturat e ulëta dhe moti i keq kanë mbërthyer Europën, duke paralizuar lëvizjen e qytetarëve dhe vënë në alarm autoritetet.

Këto pamje vijnë nga plazhi i Jesolo-s, në Venezia, në juglindje të Italisë. Edhe veriu është i pushtuar nga i ftohti siberian që ka sjellë ngrica të pagëzuara me emrin “Buran”.

Thuajse të gjitha rajonet e veriut të Italisë janë vënë alarm maksimal. Në Lombardi termometri arriti deri në -15 gradë celsius, ndërsa shpejtësia e erës ishte rreth 100 km/h. Po ashtu në Emilia Romagna, Piemonti, Liguaria, autoritetet urdhëruan mbylljen e disa shkollave.

Edhe në Francë situata shfaqet emergjente. Java e ardhshme pritet të jetë edhe më e ftohtë, me temperatura deri në -20 gradë në disa zona. Vala e ngricave është quajtur “Moskë-Paris” nga mediat franceze. Autoritetet vendase paralajmëruan qytetarët të qëndrojnë në banesa, ndërsa transporti ajror e rrugor pritet të shkojë në kaos.

Britania e Madhe gjithashtu është përfshirë nga i ftohti siberian. Sipas autoriteteve vendase, vendi ishullor mund të jetë më i ftohtë edhe se Norvegjia gjatë kësaj fundjave.

Tv Klan







Të ngjashme