Identifikohet militanti që shfaqet në videon e fundit të ISIS, i quajtur “Xhon Xhihadisti i ri”. Sipas BBC, ai është Siddharta Dhar, 32 – vjeç, ish – tregtar londinez me origjinë indiane.
Pas konvertimit nga induizmi në islamizëm, 32 – vjeçari u kthye në një element radikal të të ashtuquajturit Shteti Islamik. Në ndryshim nga “Xhon Xhihadisti”, ekzekutuesi më i ri ISIS është një person i njohur për drejtësinë britanike.
BBC raporton se pas arrestimit në vitin 2014, Sidarta Dar, arriti të përfitonte lirimin me kusht dhe u arratis drejt Sirisë bashkë me gruan dhe 4 fëmijët.
Sidarta Dar u shfaq në videon e Shtetit Islamik teksa ekzekutonte një person të dyshuar si spiun britanik. Ai kërcënoi Britaninë e Madhe dhe quajti Kryeministrin Cameron një skllav të Shtëpisë së Bardhë.
Mediat e huaja bëjnë të ditur se është mësuar gjithashtu edhe identiteti i djaloshit 5 -vjeçar që shfaqet në fund të videos. Ai është fëmija i një gruaje të bashkuar së fundi më ISIS -in. Ishte gjyshi i tij që identifikoi fëmijën dhe i bëri thirrje vajzës së tij, Grace ‘Khadija’ Dhar, të kthehet në Angli.
Tv Klan