Incident në takimin e Rudina Hajdarit


Incident në takimin e Rudina Hajdarit

20:25 26/09/2019

Përplaset me një anëtar të FRPD-së në Shkodër

Tre javë pasi premtoi se do të niste komunikimin me shqiptarët, Rudina Hajdari zhvilloi një takim me të rinjtë e shkollës “Shejnaze Juka” në Shkodër.

Pikërisht për këtë shkollë deputetja kishte ofruar më herët rrogën e saj për dëmtimet që u shkaktuan nga zjarri i ndezur pak ditë para zgjedhjeve të 30 Qershorit pasi ambientet po përdoreshin si KZAZ.

Por kur Hajdari mori fjalën, ajo u ndërpre nga njëri prej të rinjve. Ai e akuzoi se përfaqësonte Kryeministrin Edi Rama.

Rudina Hajdari: Hajde!

I riu: Ti përfaqëson Edi Ramën atje…

Më pas Hajdari e fton gjimnazistin ta thotë në mikrofon mendimin e tij para bashkëmoshatarëve.

I riu: E njeh Azem Hajdarin ti?

Rudina Hajdari: Tani… Besoj se…

I riu: Ai ka luftu për demokracinë këtu. Luftoi kundër komunizmit. Ti je turpi i shqiptarëve. Je turpi i shqiptarëve.

Më vonë u mësua se i riu është Fatjon Mani, anëtar i Forumit Rinor të Partisë Demokratike të qytetit të Shkodrës. Ai nuk ishte pjesë e shkollës “Shenjaze Juka”, por kishte hyrë në takim si gazetar. Pas incidentit, deputetja Hajdari zgjodhi të flasë për nevojat që kanë shkollat për arsimin cilësor.

Tv Klan




Të ngjashme