Pas incidentit të dhunshëm që ndodhi në stadiumin e Korçës ka reaguar në orën e vona të mbrëmjes së djeshme edhe Federata Shqiptare e Futbollit.
Federata thotë se incidenti në stadiumin e Korçës duhet të jetë një moment emergjent reflektimi përsa i përket sigurisë në stadiume dhe prezencës së policisë së shtetit në to.
Sipas Federatës, tensioni i prodhuar në Korçë nuk mund të përligjë në asnjë moment amendime ligjore të parakohshme dhe që lëkundin sigurinë publike në stadiume.
Federata e Futbollit kërkon reflektim të menjëhershëm të institucioneve ndërsa paralajmëron se do të shqyrtojë me anë të komisioneve të saj ngjarjen e ndodhur.
Tv Klan
