Autoritetet franceze kanë vendosur të mbyllin tetë shkolla në qytetin verilindor të Roubaix pasi fëmijët kanë rezultuar me koronavirus, ndërkohë që mësimi do të vijojë online.
Ministri i Arsimit, Jean Michel Blanquer deklaroi për mediat franceze se 70 raste me koronavirus janë konfirmuar në 40 mijë shkollat e vendit që nga rifillimi i mësimit javën e kaluar.
Blanquer shtoi se të gjitha shkollat e prekura janë mbyllur për të treguar se sa të kujdesshme janë autoritetet për shëndetin e fëmijëve. Rreth 40,000 shkolla, çerdhe dhe kopshte u rihapën javën e kaluar, megjithëse frekuentimi nuk ishte i detyrueshëm.
Shumë prindër ishin skeptikë për këtë vendim të qeverisë franceze duke u frikësuar për shëndetin e fëmijëve të tyre. Rreth një e treta e nxënësve francezë ose 1.4 milionë fëmijë po ndjekin mësimet, ndërsa pjesa tjetër vazhdon të mësojë nga shtëpia.
Autoritetet thanë që shumica e shkollave të prekura nga koronavirusi mund të rihapen deri më 25 Maj.
Klan Plus
