Instagram bllokon llogaritë e komandantëve të Gardës Revolucionare të Iranit

Posta

Instagram bllokon llogaritë e komandantëve të Gardës Revolucionare të Iranit

15:30 17/04/2019

Rrjeti social Instagram ka bllokuar llogaritë e disa komandantëve të Gardës Kombëtare Revolucionare të Iranit. Ky veprim sipas zyrtarëve të Instagramit është në përputhje me sanksionet e Shteteve të Bashkuara ndaj Iranit.

Gjithashtu janë bllokuar edhe llogaritë në gjuhën angleze të mbështetësve të udhëheqësit suprem të Iranit, Ayatollah Ali Khamenei.

Ne punojmë me autoritetet qeveritare për të siguruar përmbushjen e detyrimeve tona ligjore, përfshirë edhe ato që lidhen me vendimet e fundit për Gardën Revolucionare të Iranit”

, tha një zëdhënës i rrjetit Instagram.

Presidenti i Shteteve të Bashkuara, Donald Trump, më 8 Prill e shpalli Gardën Revolucionare të Iranit si organizatë të huaj terroriste.

Facebook, Twitter dhe Telegrami janë të ndaluara në Iran duke e bërë Instagramin të vetmin rrjet social në të cilin kanë qasje iranianët.

/REL


Reklama
LAJMET

Të ngjashme

Reklama
UKT
UKT

Grupi