Autoritetet amerikane urdhërojnë evakuimin e banorëve
Kalifornia nuk po gjen qetësi. Zjarri që shpërtheu në McKinney i cili u intensifikua të shtunën ka djegur mbi 30,000 hektarë pyje.
Përhapja e shpejtë e zjarrit bëri që autoritet atje të urdhëronin evakuimin e banorëve. Zjarri ka djegur të paktën dhjetra banesa.
Temperaturat e larta dhe erërat e forta i kanë vështirësuar përpjekjet e zjarrëfikësve të cilët po luftojnë me flakët.
Guvernatori i Kalifornisë shpalli gjendjen e jashtëzakonshme për qarkun Siskiyou.
Përhapja e shpejtë e zjarrit detyroi ekipet e zjarrëfikësve të përqëndronin përpjekjet e tyre për të mbrojtur shtëpitë dhe infrastrukturën si dhe të ndihmonin në evakuimin e banorëve.
Klan News