ISHP: Bakter enterokok në ujin e Krujës - Tv Klan

ISHP: Bakter enterokok në ujin e Krujës



ISHP: Bakter enterokok në ujin e Krujës

19:53 28/10/2021

Shkon në mbi 600 numri i të helmuarve

Helmimi i banorëve të Krujës u shkaktuar nga bakteret në ujin e pijshëm. Analizat zyrtare të institutit të shëndetit publik tregojnë prezencë të bakterit enterokok në një pikë burimi të ujit.

“Nga analizat e marra nga ISHP ka rezultuar që në një pikë të vetme të ujësjellësit ka rezultuar bakteri enterokok, shkak i këtyre shqetësimeve, do e ndjekim me rigorozitet, epidemi e shkaktuar nga uji. Nga shirat e rënë”.

Nëndrejtori i ISHP, Dritan Ulqinaku thotë se për një muaj ujësjellësi në Krujë do të jetë nën monitorim nga ISHP deri në normalizimin e plotë të situatës dhe furnizimin me ujë të pijshëm për banorët.

“Derisa them që është një epidemi hidrike përgjegjësia i bie Ujësjellësit të Krujës. Duhet të kishte qenë më i kujdesshëm për të ndaluar në kohë, që me turbullirën e parë. Qyteti i Krujës do të jetë në një monitorim edhe nga ISHP, një monitorim pothuajse një mujor derisa të sigurohemi që çdo gjë është në rregull”.

Situata në spitalin e Krujës ishte më e qetë të enjten. 130 persona të tjerë i janë drejtuar për shërbim urgjencës duke e çuar në mbi 600 numrin e të prekurve nga helmimi.

Ndërkohë ujësjellësi i Krujës ka njoftuar se do të rinisë furnizimin për banorët, por thekson se ai nuk duhet të përdoret për konsum apo gatim por vetëm për qëllime sanitare. 

Tv Klan








Të ngjashme