Një infermiere është arrestuar në Itali pasi dyshohet se ka vrarë 13 pacientë.
Gruaja punonte në pavionin e anestezisë dhe kujdesin intesiv, në një spital të vogël në Piombino, të provicës së Livornos.
Sipas mediave fqinje, pacientët u vranë gjatë 2014 dhe 2015 – ës, me anë të një ilaçi që infermierja ia jepte me pika ose me injeksion.
Në operacionin e koduar “vrasësja e repartit”, gruaja mësohet se monitorohej prej muajsh nga policia.
Sipas Agjencisë së Lajmeve Ansa, e ndaluara është një 55 – vjeçarja, Fausta Bonino dhe jetonte në Toskana që prej vitit 1980. Ajo u ndalua të mërkurën nga forcat speciale italiane NAS.
Viktimat ishin kryesisht të moshuar dhe vuanin nga sëmundje të ndryshme.
Ky është rasti i dytë që trondit Italinë. Muajin e shkuar një tjetër infermiere u dënuar me burgim të përjetshëm.
44 – vjeçarja Daniele Poggiali u shpall fajtore për vrasjen e një pacienti 78 – vjeçar me injeksion vdekjeprurës, klorid kaliumi, në një spital në Ravenna.
Ajo dyshohet gjithashtu se është përgjegjëse për vrasjen e të tjerë pacientëve./tvklan.al