Triumfon në sfidën hapëse me Turqinë
Çeli mbrëmjen e sotme siparin kampionati evropian i futbollit. Nuk munguan elementët e spektaklit në stadiumin “Olimpiko” të Romës.
Festën e vijoi më pas skuadra e Italisë, që e nisi me fitore kompeticionin.
Skuadra e Mançinit triumfoi 3-0 me Turqinë. Rezultatin e vendosën autogoli i Demiral dhe golat e Imobiles dhe Insinjes në pjesën së dytë.
Ndeshja u ndoq nga rreth 16 mijë spektatorë, pasi autoritetet lejuan afërsisht 25% të kapacitetit të stadiumit.
Ky edicion i Europianit do të zhvillohet në 11 qytete të ndryshme të kontinentit me finalen që do të luhet më 11 Korrik në stadiumin Uembli të Londrës.
Tv Klan
