Qeveria italiane i ka dërguar brenda afateve Komisionit Europian, projekt-ligjin për buxhetin e vitit 2019.
Projekt-ligji është shndërruar në mollë sherri mes qeverisë euroskeptike të Romës dhe Brukselit, pas planeve të qeverisë italiane për të rritur shpenzimet.
Por në letrën e dërguar natën e të martës në Bruksel, shpenzimet nuk e tejkalojnë kufirin e defiçitit prej 2.4% dhe nuk prekin rritjen ekonomike 1.5%.
Ministri italian i financave Giovanni Tria zotohet se shpenzimet e rritura në sektorin publik dhe social do t’a mbulojë me planin prej 18 miliardë dollarësh për shitjen e pasurive të paluajtshme shtetërore.
Brukseli ishte i shqetësuar se rritja e defiçitit italian mund të shkaktonte një krizë të re në Eurozonë dhe kishte paralajmëruar Romën për masa të rënda ndëshkimore.
Tv Klan
