Italia përballet me motin e keq

Italia përballet me motin e keq

23:27 09/08/2022

Lumenjtë mbushin rrugët e qyteteve

Përmbytjet pushtuan këtë të martë Monteforte Irpino-n në Itali. Uji dhe balta rrjedhin rrugëve të qytetit duke marrë përpara makinat dhe rrëzuar disa pemë.

Rreshjet masive te shiut që nisën pasdite kanë shkaktuar daljen e lumenjve nga shtrati duke bërë kështu që qyteti të përmbytet. Forcat e emergjencave civile dhe zjarrfikësit kanë mbërritur menjëherë në vendngjarje për të ndihmuar qytetarët me situatën. Dëmet e shkaktuara nga përmbytjet janë të mëdha.

Fatmirësisht nuk ka pasur raportime për të lënduar apo viktima. Kryebashkiaku i qytetit iu ka bërë thirrje qytetarëve që të qëndrojnë në shtëpi. Campania pritet të përballet me një mot të keq edhe këtë të mërkurë ku do të ketë rreshje të shumta madje edhe rrufe. Qytetarët janë paralajmëruar për gjendjen e emergjencës.

Tv Klan





Të ngjashme