Izraeli do të aplikojë dozën e tretë të vaksinës anti-Covid


Izraeli do të aplikojë dozën e tretë të vaksinës anti-Covid

11:35 30/07/2021

Pas Turqisë, Izraeli është një tjetër vend që ka vendosur të aplikojë dozën e tretë të vaksinave Pfizer për qytetarët e tij.

Vaksinimi do të fillojë të dielën, mbi baza vullnetare, për ata që janë mbi 60 vjeç dhe tashmë janë imunizuar me dy doza për të paktën pesë muaj.

“Ne po fillojmë një fushatë tjetër vaksinimi”, njoftoi Kryeministri Naftali Bennett në një fjalim para kombit në mbrëmje.

Bennet deklaroi se në fund të konsultimeve të thelluara me ekspertë në Izrael dhe jashtë vendit, u vendos se është e nevojshme për ta mbështetur një dozë e tretë.

Sipas një studimi ndërkombëtar, mbrojtja e vaksinës anti-Covid të Pfizer shkon nga 96,2% në 83,7% në gjashtë muajt e parë.

Efikasiteti i vaksinës, vëren studimi i botuar, arrin kulmin e tij gjatë intervalit nga shtatë ditë në dy muaj pas dozës së dytë, dhe gradualisht zvogëlohet në 83,7% nga katër në gjashtë muaj, me një rënie mesatare prej 6% çdo dy muaj.

Klan News






Të ngjashme