“Jam lodhur”, reagon e dashura e Can Yaman për lajmet e tradhtisë dhe tregon si qëndron e vërteta



“Jam lodhur”, reagon e dashura e Can Yaman për lajmet e tradhtisë dhe tregon si qëndron e vërteta

16:18 28/04/2021

Prej ditësh po qarkullon nëpër mediat e huaja lajmi për ndarjen e gazetares së sportit Diletta Leotta nga aktori me origjinë shqiptare Can Yaman dhe ka nisur një histori dashurie me djalin e presidentit të klubit të Romës, Ryan Friedkin. Ata janë parë së bashku në një hotel dhe këtu lindën të gjitha aludimet.

E lodhur nga këto thashetheme dhe akuza, Diletta ka reaguar e revoltuar në rrjetet sociale ku shprehet se asnjë gjë nuk është e vërtetë dhe vazhdon të jetë e lumtur me Can. Këto lajme e kanë mërzitur mjaft gazetaren dhe familjen e saj.

“Gjithmonë kam heshtur, por deri tani. Mashtroja veten kur mendova se herët a vonë lajmet e mira do të mbizotëronin mbi gazetarinë e plehrave. U bëra pjesë e helmit të thashethemeve, fotografë poshtë shtëpisë, skuterë që vinin pas çdo lëvizjeje time, dronët jashtë dritareve, por tani jam e lodhur.

E them këtë sepse duke lexuar gënjeshtrat në gazeta që janë shkruar për mua çdo ditë, çdokush mund të mendojë se unë jam një ngrënëse burrash, një grua e paaftë për të dashur. Dhe kjo është e papranueshme. Mos më thoni që ky është çmimi për të paguar për suksesin. Unë nuk ofendoj dhe nuk gjykoj askënd. Më shpjegoni pse pra, një grua nuk mund të ketë miq, por gjithmonë vetëm të dashur. Sepse nëse takoj një djalë të mirë dy herë për një aperitiv, po flasim menjëherë për dashuri të re? Pse nëse bëj një reklamë me një futbollist, tregon se ne jemi një çift sekret? Sepse nëse shoqërohem me një aktor të bukur dhe jemi të lumtur, duhet të jetë një histori e sajuar? Dhe nëse për shkak të karantinës, heq dorë nga një udhëtim i mrekullueshëm jashtë vendit, po flasim për një krizë mes nesh?

Kam duruar gjithçka deri më tani, por mendoj se asnjë mashkull i famshëm nuk është subjekt i vëmendjes gazetareske në sferën private siç është një grua. A mund t’ju them se jam mërzitur edhe për lexuesit që mashtrohen nga gazetarët e pa informuar, edhe për njerëzit përreth meje që shpesh lëndohen për shkak të gënjeshtrave, edhe për gjyshen time, e cila në të tetëdhjetat beson në gjithçka që shkruajnë gazetat.

Mjaft! E zgjata shumë, kërkoj falje për këtë, por siç thonë në Romë: “Çfarë është për t’u bërë, do bëhet”, ka shkruar Diletta në një postim në Instagram. /tvklan.al







Të ngjashme