Partia Demokratike ka deklaruar sot se Kryeministri Meta ka urdhëruar këto ditë anulimin e largimit të forcës së armatosur greke nga Shqipëria. Sipas nënkryetarit të Partisë Demokratike Jemin Gjana në kundështim me të gjitha ligjet e vendit, Meta ka marrë përsipër një precedent antiligjor tepër të rrezikshëm për sovranitetin e vendit.
“Partia Demokratike deklaron se prania e ushtrive të huaja në kundërshtim me ligjet është dhunim i mirëfilltë i sovranitetit të vendit. Shembullin më tipik i këtij dhunimi është bashkëpunimi ushtarak me forcat e huaja. Shqipëria është sot vendi i vetëm në botë në të cilin gjenden forca ushtarake të huaja pa asnjë mandat dhe status ligjor shqiptar apo ndërkombëtar të cilat lëvizin në tërë territorin dhe në çdo kohë pa përfillur asnjë ligj apo rregull të këtij vendi.”/tvklan.al
Gazetare: Ornela Bego
