Garë e fortë me “Irlandezin” dhe “1917”
Është historia e errët e klounit Arthur, një figurë kontraverse, ajo që ka marrë numrin me të madh të nominimeve nga akademia britanike e filmit dhe arteve të televizionit,e njohur ndryshe si BAFTA.
Me regji nga Todd Phillips, dhe protagonist Joaquin Phoenix, “Joker” është pretendent për 11 çmime, përfshirë aktorin më të mirë.
Irlandezi i Martin Scorsese, edhe pse nuk mori asnjë Golden Globe, ka marrë 10 nominime BAFTA.
“Na ishte një herë në Hollywood” i Quentin Tarantino me protagonistë Brad Pitt dhe Leonardo DiCaprio është gjithashtu në garë për 10 çmime.
Filmi më i mirë i Golden Globe, “1917” një dramë e bazuar në ngjarjet e luftës së parë botërore ka marrë 9 nominime.
Katër filmat e mësipërm do të konkurrojnë fort me komedinë e regjisorit koreanojugor Bong Joon-ho “Parasite” për kategorinë e filmit më të mirë dhe regjinë më të mirë më dy shkurt në Londër.
Tv Klan
