Klubet e njohura të futbollit mund të përjashtohen nga Liga e Kampioneve këtë javë
Barcelona, Real Madridi dhe Juventusi do të përjashtohen nga Liga e Kampioneve brenda kësaj jave. Tri klubet e njohura të futbollit janë në procedim disiplinor në lidhje me planin e tyre për të formuar Superligën Evropiane. Gazeta italiane “La Republica” shkroi se dënimi i institucionit numër 1 të futbollit në vend do të jetë mjaft i ashpër.
Por klubet këmbëngulin se janë në të drejtën e tyre për të formuar një kompeticion të ri dhe se si UEFA, ashtu edhe FIFA nuk kanë të drejtë që t’i bllokojnë.
Kur projekti u lajmërua, ishin 12 klube evropiane nismëtare të Superligës Evropiane. Kurse tani vetëm dy gjigandet spanjolle dhe “Zonja e Vjetër” nuk janë tërhequr.
Klubet e tjera të përfshira në këtë nismë ishin Milan, Inter, Atletico Madrid, Arsenal, Liverpool, Manchester United, Tottenham, Chelsea dhe Manchester City.
Por të nënta pas rrëmujës së madhe të bërë, i dërguan një letër faljeje UEFA-s.
Presidenti i La Liga-s dhe anëtari i Komisionit Ekzekutiv të UEFA-s Havier Tebas tha se klubet rebele duhet që të frikësohen nga dënimi dhe se një Champions pa to është i mundshëm këtë sezon.
Ndërkohë që klubet janë gati që ta çojnë çështjen në Gjykatën e Arbitrazhit Sportiv nëse institucioni numër 1 i futbollit evropian vendos sanksione.
Klan News
