Ka nje mesazh per ty – Dhendrri i kerkon falje vjehrrit, i ben emrin tatuazh! (29 mars 2020)



Ka nje mesazh per ty – Dhendrri i kerkon falje vjehrrit, i ben emrin tatuazh! (29 mars 2020)

19:04 29/03/2020

Rubrika “Ka një mesazh për ty”, në TV Klan solli ditën e sotme historinë e 22 vjeçares Rolanda. Ajo prej disa vitesh jeton në Itali me të fejuarin e saj dhe për shkak se nuk ka dokumenta nuk ka ardhur për të takuar familjen e saj.

Historia e saj e dashurisë është mjaft e bukur dhe ka nisur në festimet për 20-vjetorin e lindjes. Ajo ka një vëlla binjak dhe ishte pikërisht ai që e ftoi në Itali për të festuar sëbashku ditëlindjen. Vëllai Rolandi mendoi që si dhuratë ditëlindje ti bënte një tatuazh dhe shkuan tek studio e shokut të tij më të mirë dhe aty nisi dhe shkëndija e dashurisë mes motrës dhe shokut të tij.

Kur vëllai e mori vesh, nuk ishte dakord për lidhjen e tyre gjithashtu dhe babai i saj nuk donte sepse Rolanda duhet të linte shkollën për të shkuar në Itali. Por pavarësisht kundërshtimeve, Rolanda e la shkollën dhe u nis në drejtim të Italisë tek personi i saj i zemrës.

Rolanda: Unë dhe vëllai do mbushnim njëzet vjeç, thamë që do ta festonim bashkë ditëlindjen, vëllai ishte në Itali, unë isha në shkollë në universitet. Edhe tha vëllai hajde e fetojmë bashkë këtu në Itali. Ok se ishim dhe si me pushime në atë kohë. Vij në Itali për te festuar ditëlindjen, e festuam mirë e bukur me vëllain, me gjithë familjen, me Donin sepse ishte pjesë e shoqërisë së vëllait. Edhe pasi mbaroi ditëlindja, vëllai tha do të bëj dhuratë një tatuazh, nëqoftëse do. Shkuam tek studio e të fejuarit dhe bëra tatuazhin dhe aty filluan shkëndijat e para.

Ardit Gjebrea: Lëre!

Rolanda: Duke bërë tatuazhin filluam të flisnim! Edhe në fakt folëm bashkë ca muaj me Donin, pastaj ai më tha që do flas me vëllain tënd, se nuk ulen dot në një tavolinë po nuk fola, që ti them unë pëlqej motrën tënde, se nuk është e hijshme kjo gjë.

Ardit Gjebrea: Landi kur ta tha çfarë ndjeve, çfarë bëre?

Rolanda: I ra bota mbi kokë!

Rolandi: Ishte komplet errësirë, në atë moment s’mendoja fare.

Rolanda: U prek sa nuk dilte më me Donin siç dilnin, thoshte nuk dal se e di që do më thojë prapë për ty. Nuk dal se e kam shumë të vështirë, nuk e di pse, jemi binjakë apo pse, por nuk mundem ta pranoj këtë gjë. I thashë do të lë kohë. Lër sa të duash më tha, por unë nuk e pranoj. Ok i thashë mos e prano. Fola me mamin dhe me babin, por babi ishte kategorikisht jo sepse isha në shkollë në universitet dhe tha burrat aty janë, por shkolla do të hyjë në punë. Unë i thashë e dua dhe do ta marr. Ai më tha nëse e ke vendosur dhe është çun i mirë e di ti tha, por unë nuk jam i kënaqur të lësh shkollën dhe të shpërngulesh nga këtu ku je sepse je e vogël tha.

Ardit Gjebrea: Dhe ti e le shkollën?

Rolanda: Po e lashë si përfundim edhe ngela këtu pastaj.

Ardit Gjebrea: Sa kohë ke pa u kthyer në Shqipëri?

Rolanda: Kam dy vjet që nuk kthehem në Shqipëri fare dhe nuk e kam parë babin, se as nuk mund të vij as të iki.

Ardit Gjebrea: Po babi e ka parë ndonjëherë Donin?

Rolanda: Po nëpërmjet rrjeteve sociale, por kështu nuk janë takuar asnjëherë.

Ardit Gjebrea: Çfarë do i thoni sot babit?

Rolanda: Unë për vete, se babi është dhe tip kështu, nuk flet shumë babi por e di që e ka këtë peng që unë lashë shkollën, por dua ti them në një të ardhme që do ta vazhdoj prapë, ndoshta jo atë që kisha po një degë tjetër, por që do ta vazhdoj po sepse dhe unë e kam ëndërr shkollën./tvklan.al

Ka nje mesazh per ty – Biznesmeni nga Vlora, ndihma per 20 familje ne nevoje!

Ka nje mesazh per ty – Lotet e babait, vajza e surprizon per 60-vjetor!

Xhulia jeton prej vitesh në Londër dhe ajo ka kërkuar ndohmën e rubrikës “Ka një mesazh për ty”, për t’i bërë një suprizë të bukur babait të saj, i cili feston 60-vjetorin e lindjes. Në fakt këtë ditëlindje, familja kishte menduar ta festonte së bashku, por si pasojë e situatës së krijuar nga virusi, ky bashkim nuk u bë i mundur.

Xhulia përlotet në lidhjen Skypë sepse do donte që sëbashku me babin të frynin qirinjtë, por falenderon drejtuesin e emisionit “Ardit Gjebrea”, që do çojë mesazhin dhe tortën e ditëlindjes babait të saj.

Ardit Gjebrea: Jemi këtu për babin tënd hë?

Xhulia: Për babin, ah kur thua babi, zemra e çdo vajze.

Ardit Gjebrea: Babi ka 60-vjetorin më duket?

Xhulia: Po 60 dhe nuk jemi pranë tij fatkeqësisht.

Ardit Gjebrea: Më trego pak çfarë planesh kishit bërë?

Xhulia: Planet ishin të shkonim tek babi, të mblidheshim të gjithë fëmijët, jemi 4 fëmijë, 3 motra dhe një vëlla. Kjo e virusit që na doli tani, jemi pak në merak, as motra që është në Tiranë nuk shkon, që të fryjë ato qirinjtë, siç do vit që e kemi bërë. Motra e Italisë akoma dhe më keq, ajo është në Bergamo bashkë me vëllain, atje situata është akoma më keq, Por uroj që përmes këtij mesazhi që do ti bëjmë, ti gëzojmë sadopak zemrën babit.

Ardit Gjebrea: Më trego pak për lidhjen tënde me babin?

Xhulia: Babi, mendoj se është dashuria e parë e çdo vajze, unë nuk ja shpreh babit dashurinë, nuk e di pse. Me mamin e kam më ndryshe ja shpreh, dhe babi gjithmonë thotë nuk e doni babin, mamin e doni ju, mamin e merrni në telefon, mami këtu, mami aty.

Ardit Gjebrea: Po pse nuk ja shpreh babit?

Xhulia: Po nuk e di, edhe babi është tip i mbyllur, edhe ai na do shumë siç ne e duam, por nuk di si ta shpjegoj kam pak emocione. Ishim përgatitur që babi do vinte këtu, do bënim vizën, se këtu duhet të vish me vizë patjetër, por u mbyllën të gjitha ambasadat, u mbyllën të gjitha rrugët. Sapo kisha të gjitha dokumentat gati çdo gjë përfundoi dhe babi e ka shumë me merak këtë pjesë tani sepse donte të ishte pranë meje, sikur në një lindje të vetme që unë pata.

Ardit Gjebrea: Babi me kë është në shtëpi?

Xhulia: Babi është në shtëpi me mamin. U bë goxha kohë që ata janë vetëm dhe babi tani thotë kurrë nuk jemi mbledhur të gjithë bashkë, të rrimë të gjithë bashkë, të festojmë një gjë bashkë. Tanio që e bëmë plan prapë nuk u bë asgjë.

Ardit Gjebrea: Çfarë do ti çoj babit tënd? Një tortë me 60 është e sigurt!

Xhulia: Atë do doja ta kishim fikur të gjithë së bashku, do doja shumë, por faleminderit nga ana juaj që na e mundësoni të jemi pranë babit në ato momente.

Ardit Gjebrea: E di çdo bëjmë ne, ti do japësh një mesazh për babin që unë do ja çoj me laptop bashkë me tortën dhe në fund të mesazhit do i thuash babit prit mos i fryj qirinjtë, se do i fryjmë bashkë. Do i këndosh këngën shumë urime për ty dhe kur të mbarosh do thuash bëhu gati babi, ti fryjmë bashkë qirinjtë, 3,2,1 fryji ti dhe ti fryjë dhe babi.

Xhulia: (Qan) Më falni!

Ardit Gjebrea: Xhulia se filloj dhe unë pastaj.

Xhulia: Më falni por nuk mundem, janë emocione që nuk i ndaloj dot./tvklan.al



Të ngjashme