Kaloi me të kuqe në semafor dhe ‘joshi’ policin me 5 mijë Lekë, arrestohet shoferi


Kaloi me të kuqe në semafor dhe ‘joshi’ policin me 5 mijë Lekë, arrestohet shoferi

11:14 26/10/2020

Policia Rrugore e Tiranës ka arrestuar sot një shofer, i cili ka tentuar të korruptojë një policm me 5 mijë Lekë.

Gjatë patrullimit parandalues policor, efektivët e Komisariatit Rajonal të Policisë Rrugore Tiranë, kanë konstatuar drejtuesin e një automjeti me iniciale G. T, 31 vjeç,  se vazhdon lëvizjen ndonëse sinjalizimi i semaforit e ndalon atë”, njofton Policia.

Gjatë kryerjes së veprimeve policore dhe administrative, drejtuesi i automjetit, i ka ofruar agjentit verifikues një kartmonedhë prerje 5000 lekë, me qëllim shmangien e masës administrative.

Në këto kushte, është bërë menjëherë arrestimi në flagrancë i shtetasit me iniciale G. T, për veprën penale  “Korrupsionit aktiv ndaj personave që ushtrojnë funksione publike”, parashikuar nga neni 244 i Kodit Penal”, vijon Policia./tvklan.al








Të ngjashme