Kamberi: Jam zgjedhur deputet i Serbisë





Kamberi: Jam zgjedhur deputet i Serbisë

08:32 01/07/2022

Shaip Kamberi, përfaqësues politik i shqiptarëve të Luginës së Preshevës, deklaron është zgjedhur deputet i Kuvendit të Serbisë, pas zgjedhjeve që u përsëritën të enjten në fshatin Tërnovc.

Kamberi e bëri njoftimin përmes një postimi në Facebook, ndonëse konfirmim nga Komisioni Republikan i Zgjedhjeve të Serbisë nuk ka. Zgjedhjet parlamentare në Serbi janë mbajtur më 3 Prill, por rezultatet nuk janë certifikuar ende.

Kjo, për arsye të përsëritjes së votimeve në fshatin Tërnovc, si pasojë e disa parregullsive. Votimet e së enjtes kanë qenë përpjekja e pestë. Votat e Tërnovcit kanë qenë përcaktuese për përfaqësimin e pakicës shqiptare, me një deputet, në Kuvendin e Serbisë.

Kamberi ka qenë edhe në dy mandate të tjera deputet në Kuvendin e Serbisë.

Klan News













Të ngjashme