Kandidatja e Partisë Demokratike Albana Vokshi ka paditur në Komisionin Qëndror të Zgjedhjeve ministren e Shëndetësisë Ogerta Manastirliu për shkelje të Kodit Zgjedhor për zyrat elektorale.
Vokshi thotë se Ogerta Manastirliu, e cila mbulon Njësinë 9 në Tiranë, ka hapur 2 zyra elektorale pranë objekteve të përcaktuar si qendra votimi.
“Është një akt i paligjshëm që synon të intimidojë zgjedhësit ditën e votimit. I bëj thirrje KQZ që të mos bëhet palë me PS, por të verifikojë çdo shkelje të ligjit dhe të urdhërojë Policinë Bashkiakë t’i mbyllë këto zyra”, tha Albana Vokshi. /tvklan.al